2025-yil 10-aprel kuni I-bosqich o‘quvchilari o‘rtasida «Fizik ring» nomli musobaqa bo‘lib o‘tdi. Ushbu musobaqada o‘quvchilar 5 ta shart bo‘yicha o‘z bilim va ko‘nikmalarini sinovdan o‘tkazishdi.

Musobaqa quyidagi shartlar asosida tashkil etildi:

1. “Bu kim?” – mashhur fizik olimlarni aniqlashga oid savollar;
2. “Fizik qonunlarni bilasizmi?” – fizikadagi asosiy qonun va tushunchalarni bilish darajasini aniqlash;
3. “Fizik kattaliklar va asboblar” – fizik kattaliklar, ularning birliklari va o‘lchov asboblariga oid savollar;
4. “Uy vazifasi” – oldindan tayyorlab kelinadigan savollar orqali o‘quvchilarning mustaqil ishlash ko‘nikmalarini aniqlash;
5. “Fizik tajriba” – amaliy tajribalar asosida fizik hodisalarni tushuntirish va xulosalar chiqarish.

Musobaqa davomida o‘quvchilar faol ishtirok etishdi, bilim va ijodkorliklarini namoyon etishdi. Tadbir yuqori saviyada tashkil etilib, barcha ishtirokchilarda katta taassurot qoldirdi.