O‘zbekiston ta’lim va fan xodimlari kasaba uyushmasi Sirdaryo tuman bo‘linmasi kengashi tomonidan 11-noyabr “Kasaba uyushmalari kuni” munosabati bilan Sirdaryo kasb-hunar maktabida noyabr oyining birinchi o‘n kunligi doirasida “Inson qadri uchun, el-yurt baxti uchun” g‘oyasini o‘zida mujassam etgan madaniy-ma’rifiy bayram tadbiri tashkil etildi. Bayram tadbirida O‘zbekiston ta’lim va fan xodimlari kasaba uyushmasi Sirdaryo tuman bo‘linmasi kengashi raisi M.Xaitkulov ishtirok etib, tadbir ishtirokchilarini 11-noyabr “Kasaba uyushmalari kuni” bayrami bilan samimiy tabrikladi. Birinchi bor ishga kirgan yosh xodimlar kasaba uyushma a’zoligiga qabul qilindilar. Tadbir so‘ngida maktabda uzoq yillar faoliyat yuritgan mehnat faxriylari hamda kasaba uyushmalari faollariga tuman kengashining estalik sovg‘alari va tashakkurnomalari topshirildi.
